Վարսակով կոտլետ

   Առաջին անգամ եմ վարսակով կոտլետ փորձում՝ թե՛ պատրաստել, թե՛ ուտել: Իմպրովիզացիաս շատ համով ստացվեց ու շատ հագեցնող: Ընթրիքին ընդամենը երկու կոտլետը, մեկ լոլիկով, ամբողջովին կշտացրեց ինձ՝ բկլիկիս :)

   Եթե ուզում եք համեղ, արագ ու շուտ հագեցնող ինչ-որ ուտեստ ուտել՝ ապա այս կոտլետները հենց Ձեզ համար են:

Բաղադրությունը

Վարսակ - 1 բաժակ (չոր)

Կարտոֆիլ - 1 հատ

Սոխ - 1 հատ

Ձու - 1 հատ

Ջուր - 2/3 բաժակ

Կանաչեղեն (մաղադանոս կամ համեմ)

Արևածաղկի ձեթ (տապակելու համար)

Աղ, սև պղպեղ

Պատրաստումը

Վարսակը թրջել՝ 2/3 բաժակ տաք ջրով: Թողնեկ 10-15 րոպե:

Կարտոֆիլը և սոխն անցկացնել մանր քերիչով, կանաչին մանր կտրատել և ավելացնել վարսակին:

Ավելցանել նաև ձուն, համեմել աղով, սև պղպեղով:

Տապակել՝ կարմրացնելով երկու կողմերը: