Ոզնիներ

    Մամայիս ոզնիները՝ իմ մանկության ежик-ները, ամենահամով թխված կտորիկներն են իմ կյանքում: 

   Ամեն տարի, նոր տարուն, մամաս լիքը ոզնիներ էր սարքում, ու ես էնքան ուրախ ու հպարտ էի լինում, որովհետև մենակ մեր տանն էր լինում էս յուրօրինակ թխվածքներից :)

Իրականում այն շատ սովորական, հաճախ հանդիպող խմորից թխվածք է, ուղղակի յուրահատկությունն ոզնու տեսք ունենալու մեջ է: Թխված խմորն, արդեն պատրաստի կտորների է վերածվում և կարիք չի լինում մատուցելուց առաջ կտրատել թխվածքը, իսկ ամբողջությամբ պատած կրեմն էլ չի թողնում, որ չորանան կամ հնանան ոզնիները (իսկը նոր տարվա բան :) ):

Բաղադրությունը

Խմոր

Ձու - 5 հատ

Շաքարավազ - 1.5 բաժակ

Կարագ - 200գ

Մածուն - 1 բաժակ

Ալյուր - 2 բաժակ

Սոդա - 1 թ/գ

Քացախ - 1.5 ճ/գ

Վանիլին - 1 թ/գ

Կրեմ

Կարագ - 200գ

Խտացրած կաթ - 350գ (եփած)

Վանիլին - 1 թ/գ

Պատրաստումը

Ձվերը հարել, ավելացնել շաքարավազն ու վանիլինը:

Ավելացնել փափկած կարագն ու մածունը:

Քացախին ավելացնել սոդան, թողնել, որ փրփրի և ավելացնել զանգվածին:

Վերջում լցնել ալյուրը:

Ջեռոցի տարան կարագապատել, վրան ալյուր ցանել և լցնել խմորը:

 Թխել ջեռոցում, 190°C ջերմաստիճանում, 30-40 րոպե:

Սառելուց հետո, խմորը, բաժակի օգնությամբ, կլորների բաժանել, իսկ մնացած մասերը մանրացնել՝ վերածելով փշուրների:

Կրեմ

Կարագը վանիլինի հետ հարել, ավելացնել խտացրած կաթը:

Կլորիկները բաժանել երկու մասի, մեջտեղում կրեմ քսել: Անուհետև ամբողջությամբ պատել կրեմով և փշուրներով: