Մարգարիտա պիցցա

   Պիցցան ամենահեշտ պատրաստվող ուտելիքներից է, իսկ մարգարիտան՝ էլ ավելի հեշտ: Մեր ընտանիքի ամենասիրելի պիցցան Է, կարող ենք ուտել թե՛ նախաճաշին, թե՛ ճաշին և թե՛ ընթրիքին: Սա պատրաստելուց հետո դժվար է դառնում "դրսում" պիցցա ուտել, ոչ մի կերպ չի լինում մոռանալ սրա համը: Ու ստիպված նորից ես պատրաստում, նորից ու նորից...  

Բաղադրությունը

Պիցցայի խմոր - 1/4 բաժին

Լոլիկով սոուս - 2/3 բաժին

Մոցարելա պանիր - 100գ

Չեդար պանիր - 50գ

Օրեգանո, չոր - 1թ/գ

Պատրաստումը

1/4 բաժին պիցցայի խմորը գրտնակել 0.5 սմ հաստությամբ (ստացվում է մոտ 30սմ տրամագծով շրջան) ու թողնել 15-20 րոպե՝ հանգստանա:

Այնուհետև խմորը տեղափոխել ջեռոցի տարայի վրա, պատառաքաղով ծակծկել, վրան քսել լոլիկով սոուսն, ու լցնել քերիչով անցկացրած պանիրը:

Տեղադրել ջեռոցի ամենաներքևի շերտում, միացնել միայն ներքևի տաքացուցիչը, թխել 200^о C ջերմաստիճանում, 10-15 րոպե:

Ջեռոցից հանելուց հետո վրան լցնել օրեգանոն: