Խնձորով թխվածք

   Այս թխվածքի անունը կարելի է նաև "իդեալական" դնել, քանի որ համտեսողս, երբ կերավ, այսպես բնութագրեց. " իդեալական է" :))

  Դարչին-խնձոր-ընկույզ համադրությունը միշտ էլ եղել է, ինձ համար, կատարյալը թխվածքների մեջ! Նման մի կատարելություն էլ էս թխվածքն է~

Բաղադրությունը

Կարագ - 150գ

Շաքարավազ - 2 բաժակ

Ձու - 3 հատ

Ալյուր - 3 բաժակ

Խնձոր - 4 հատ (մեծ)

Ընկույզ - 1 բաժակ

Լիմոն - կես հատ

Դարչին - 1 թ/գ

Աղ - 1/4 թ/գ

Սոդա - 1/2 թ/գ

Փխրեցուցիչ - 1/2 թ/գ (կամ սոդա - 1/2 թ/գ)

Պատրաստումը

Շաքարավազը կարագի հետ հարել:

Հերթականությամբ ավելացնել ձվերը. լցնել մեկը, հարելով ստանալ համասեռ զանգաված, այնուհետև հաջորդը:

Լցնել ալյուրը, փխրեցուցիչը, սոդան, աղն ու դարչինը (ստացվում է պինդ խմոր):

Ավելացնել կտրատած ընկույզը:

Խնձորները կեղևազրկել, մանր կտրատել, վրան լցնել կես լիմոնի հյութ:

Ստացվածը լցնել խմորի մեջ:

Ջեռոցի տարան կարագապատել, վրան ալյուր ցանել և լցնել խմորը:

Թխել ջեռոցում, 180°C ջերմաստիճանում, 35-45 րոպե:

Մատուցելիս, ցանկալի է, վրան շաքարի փոշի ցանել: