Ի՞նչ կարելի էր թխել սիրեցյալիս ծնունդին - իհարկե չիզքեյք! քանի որ ինքն ինքնամոռաց սիրում է էդ պանրետորթերին: Ես այդքան էլ սիրահար չեմ պանրետորթի, բայց տեսնելով ամուսնուս ոգևորությունը, երբ ասում եմ, որ պատրաստվում եմ չիզքեյք սարքել, հերիք է, որ ամեն շաբաթ, պարտադիր, թխեմ:
Այս անգամ թխեցի դասական չիզքեյք, առանց հավելումների, մաքուր, անարատ պանրետորթ :) Սակայն լրիվ տկլոր թողել էլ չէր լինի՝ հետևաբար ծածկեցի թթվասերով պատրաստված շոկոլադով և զարդարեցի պահածոյացված արքայախնձորով:
Ծնունդդ շնորհավոր, իմ սեր! :)
Բաղադրությունը
Պանրետորթ
Չոր թխվածքաբլիթներ - 250գ (փշրած տարբերակով - 1.5 բաժակ)
Կարագ - 60գ
Շաքարավազ - 1բաժակ + 3 ճ/գ
Սերուցքային պանիր - 900գ (ես վերցրել եմ Philadelphia սերուցքային պանիր )
Ձու - 4 հատ
Վանիլին - 1 թ/գ
Շոկոլադ
Կակաո - 3 ճ/գ
Թթվասեր - 4 ճ/գ
Շաքարավազ - 6 ճ/գ
Զարդարում
Ցանկացած տեսակի միրգ
Պատրաստումը
Պանրետորթ
Թխվածքաբլիթները փշրել:
Ավելացնել փափկած կարագը և 3 ճ/գ շաքարավազը. ստանալ միասեռ խառնուրդ:
Ստացվածը լցնել ջեռոցի տարայի մեջ և ձեռքով տափակացնել ամբողջ տարայի երկայնքով:
Ցանկալի է վերցնել այնպիսի տարա, որի կողքերը առանձնանում են հիմքից: Հակառակ դեպքում՝ ամբողջ տարան ֆոլգայով պատել, որպեսզի հեշտությամբ հանել պատրաստի թխվածքը միջից:
Պանիրը հարել 1 բաժակ շաքարավազի և վանիլինի հետ:
Հերթականությամբ ավելացնել ձվերը՝ լցնել մեկը, հարելով ստանալ համասեռ զանգաված, այնուհետև հաջորդը:
Ստացվածը լցնել թխվածքաբլիթներով շերտի վրա:
Թխել ջեռոցում, 160°C ջերմաստիճանում, 1 ժամ:
Թողնել, որ սառի և առանձնացնել տարայի կողքերը:
Շոկոլադ
Թթվասերը, շաքարավազը և կակաոն միասին դնել թույլ կրակի վրա, խառնել այնքան, մինչև ստացվի համասեռ զանգված: Հենց եռա՝ վերցնել կրակից:
Շոկոլադը քսել պանրետորթի վրա և թողնել սառնարանում 3-4 ժամ:
Մատուցել՝ վրան որևէ միրգ դնելով::
իսկ ինչ արժե պանիրը, մոտավոր?
ReplyDeletePhiladelphia պանիրը գնել եմ 3.5$ - 300գ, հիմնականում էդ գնի են սերուցքային պանիրները :)
Delete(Հայաստանում գինը կարող է այլ լինել)
Արժի փորձել, շնորհակալություն բաղադրատոմսի համար :)
DeleteԵթե չեմ սխալվում Հայաստանում չկա, փաստորեն դուք էստեղից չեք?
ReplyDeleteՍեդա ջան, անցած տարի ամռանը SAS.ում աչքովս ընկավ philadelphia, բայց եթե հիմա չլինի, կարող եք ուրիշ ապրանքանիշի սերուցքային պանիր վերցնել :))
DeleteՀայաստանից եմ, ուղղակի ժամանակավոր էդտեղ չեմ հիմա :)
:)) շնորհակալ եմ
ReplyDelete