Տավարի մսով կարկանդակ

   Այս կարկանդակը կարող եմ, տապակած կարտոֆիլի պես, անդադար և օրեր շարունակ ուտել: Ոչ մի կերպ չեմ կշտանում սրա, փխրուն խմորի ու մսի համադրույթից ստացված, անմոռանալի համից:

   Ընդ որում, էս կարկանդակը շատ հաճելի է վայելել ոչ միայն հյութի հետ` ճաշկերույթի ճամանակ, այլ նաև առավոտյան նախաճաշին` սև թեյի հետ (անպայման թեյի մեջ մեխակի կտորներ ավելացնելով :) ):

   Վայ չուտողին!!! :)

Բաղադրությունը

Խմոր

Ձու - 2 հատ (+1 հատ` վրան քսելու համար)

Թթվասեր - 600գ

Կարագ - 150գ

Ալյուր - 4 բաժակ

Սոդա - 1.5 թ/գ

Աղ - 1/4 թ/գ

Միջուկ

Տավարի միս - 500գ (աղացած)

Սոխ - 3 հատ

Արևածաղկի ձեթ - տապակելու համար

Աղ, սև պղպեղ

Պատրաստումը

Միջուկ

Կտրատած սոխը ձեթով տապակել: 

Ավելացնել միսն ու տապակել` մինչև մսի պատրաստ լինելը: Համեմել աղով, սև պղպեղով:

Խմոր

Ալյուրի մեջ փոս անել, լցնել աղն ու ձվերը: Թթվասերին խառնել սոդան, փրփրացնել և նույնպես ավելացնել:

Ավելացնել նաև քերիչով անցկացրած կարագն ու խմոր հունցել:

Խմորը բաժանել 2 մասի: Գրտնակել ջեռոցի տարայի չափերին համապատասխան:

Ջեռոցի տարայում դնել առաջին խմորե շերտը, վրան լցնել միջուկը, այնուհետև հաջորդ շերտը:

Վրան քսել մեկ ձու: 

Թխել ջեռոցում, 200^о C ջերմաստիճանում, 20-30րոպե: