Վարսիկ տատիկը իմ տատիկը չէ, քեռակնոջս մաման է: Իրան ես շատ քիչ եմ տեսել` մի քանի անգամ, բայց քույրիկիս (քեռուս աղջկա) միջոցով շատ լսել եմ իրա մասին, շփվել եմ skype-ով :) Ու հիմա մոտս էն տպավորությունն է, որ ես իր հետ ապրել եմ նույն տանն երկար տարիներ :)
Վարսիկ տատը շատ համով է պատրաստում (բախտ է վիճակվել ուտել իր սարքած իշխան ձուկը): Այս բաղադրատոմսը քույրիկս է ինձ փոխանցել ու այն դարձել է մեր տան մշտական բնակիչը: Ամսվա մեջ գոնե մի անգամ պատրաստում եմ այս ուտեստը:
Չսիրել հնարավոր չէ, որովհետև տոմատի առկայությունը մի էնպիսի համ է փոխանցում մսին ու կարտոֆիլին, որ հենց առաջին իսկ պատառից սկսում ես ինքնամոռաց վայելել:
Բաղադրությունը
Կարտոֆիլ - 700գ
Սոխ - 1 հատ
Տոմատ - 2 ճ/գ
Ջուր - 400մլ
Արևածաղկի ձեթ - 3 ճ/գ
Աղ, սև պղպեղ
Պատրաստումը
Կտրատած սոխը տապակել ձեթով, ավելացնել աղացած միսը:
Տապակել միսը` շարունակ խառնելով, վերջում համեմել աղով, սև պղպեղով և վերցնել կրակից:
Թավայի տակ շարել բարակ կտրատած կարտոֆիլի կեսը, համեմել աղով, սև պղպեղով: Վրան լցնել պատրաստի միսը և շարել մնացած կարտոֆիլը: Համեմել աղով սև պղպեղով:
400մլ տաք ջրին խառնել տոմատը, 1/4 թ/գ աղ լցնել և լցնել թավայի մեջ` այնպես, որ վերևի կարտոֆիլները ամբողջությամբ չծածկվեն:
Եփել 30-40 րոպե:
Ux uxxx moracar asel te inchqaM shat en qo u tatsiki yndhanur gcery :)))
ReplyDeleteԴե դրա մասին է խոսում մեր ընդհանուր սննդային ճաշակը :))
Delete