Սև-սպիտակ թխվածք

Բաղադրությունը

Խմոր

5 ձվի դեղնուց

Կարագ - 50գ

Շաքարավազ - 1 բաժակ

Մածուն - կես բաժակ (կամ թթվասեր)

Ալյուր - 1 բաժակ

Կակաո - 3 ճ/գ

Փխրեցուցիչ - 1.5 թ/գ (կամ սոդա - 1թ/գ)

Բեզե

5 ձվի սպիտակուց

Շաքարավազ - 1 բաժակ
Վանիլին - 1 թ/գ

Շոկոլադ

Կակաո - 3 ճ/գ

Շաքարավազ - 3 ճ/գ

Կաթ - 4 ճ/գ

Կարագ - 30գ

Պատրաստումը

Խմոր

Դեղնուցները և շաքարավազը հարել, ավելացնել փափկած կարագը:

Ավելացնել մածունը և կակաոն:

*Եթե փխրեցուցիչը փոխարինվելու է սոդայով, ապա սոդան խառնել մածունի հետ և երբ մածունը փրփրի` ավելացնել զանգվածին:  

Փխրեցուցիչը խառնել ալյուրին և լցնել ստացվածի վրա:

Ջեռոցի տարան կարագապատել, վրան ալյուր ցանել և լցնել խմորը:

Եփել ջեռոցում, 190°C  ջերմաստիճանում, 15-20 րոպե:

Բեզե

Ձվի սպիտակուցները հարել, երբ դառնա չծորող զանգված` ավելացնել շաքարավազն ու վանիլինը:

Շոկոլադ

Կակաոն խառնել շաքարավազի հետ, ավելացնել կաթը և եփել թույլ կրակի վրա: Երբ եռա` ավելացնել կարագն ու անջատել կրակը:

Եփած խմորը թողնել ջեռոցի տարայի մեջ և բեզեն գդալով լցնել սառած խմորի վրա: Ստացվածը դնել ջեռոցում` 200°C  ջերմաստիճանում թողնելով 3-5 րոպե (միացնել միայն ջեռոցի վերին տաքացուցիչը):

Վրան լցնել շոկոլադը: