Պանրով, հավով կոտլետ

Բաղադրությունը
Հավի միս - 300գ (աղացած)

Ձու - 2 հատ

Դեղին պանիր - 50գ

Կարտոֆիլ - 1 հատ (փոքր)

Սոխ - 1 հատ

Ալյուր - 1 ճ/գ

Արևածաղկի ձեթ - 1 ճ/գ և 1 բաժակ՝ տապակելու համար

Պաքսիմատ - 1 բաժակ

Աղ, սև պղպեղ

Պատրաստումը

Սոխը և կարտոֆիլը աղալ, կամ անցկացնել մանր քերիչով, խառնել մսին՝ ավելացնելով 1 ձու, աղ, սև պղպեղ:

Ավելացնել նաև ալյուրն ու 1 ճ/գ ձեթը և ստանալ համասեռ զանգված:

Ձեռքով միսը տափակացնել, վրան լցնել քերիչով անցկացրած պանիրը և փակել:

Ստանալ կլորավուն կոտլետներ:

Կոտլետները, հերթով, մտցնել ձվի մեջ (1 հատ ձու), այնուհետև պաքսիմատի:

Փոքրիկ ամանի մեջ լցնել 1 բաժակ ձեթը, այնպես, որ կոտլետները տապակվելիս ամբողջությամբ ծածկվեն ձեթով: 

Տապակել այնքան, մինչև կոտլետները կարմրեն: