Տապակած ճուտ

Բաղադրությունը

Ճուտ - 1 հատ

Լոլիկ - 1 հատ

Սոխ - 1 հատ

Սխտոր - 1 պճեղ

Կետչուպ - 1 ճ/գ

1 լիմոնի հյութ

Կարմիր քաղցր պղպեղ - 1 թ/գ

Աղ, սև պղպեղ

Արևածաղկի ձեթ

Պատրաստումը

Միասին խառնել լիմոնի հյութը, աղը, սև և կարմիր պղպեղները:

Ստացվածով մարինացնել ճուտը՝ թողնելով սառնարանում 3-4 ժամ (սենյակային ջերմաստիջանում 1 ժամ):

Արևածաղկի ձեթով ճուտը տապակել ոչ ուժեղ կրակի վրա՝ կարմրացնելով երկու կողմերը:

Այնուհետև մեկ ուրիշ թավայում տապակել երկարավուն կտրատած սոխն ու մանր կտրատած սխտորը: Վրան լցնել Կտրատած լոլիկը և կետչուպը, համեմել աղով, սև պղեղով:

Պատրաստի ճուտը տեղափոխել ստացվածի մեջ, անջատել կրակը և թողնել մեջը 10-15 րոպե: